قصايد

ولا ألذ من عشرة شريف من أقصى القوم يبادرك فعل الطيب معناه وسلومه ..

كب مني نجد الانجد ونابيت الفقار وسالفة نسهج ديار القفر من شانها اشتوانا القيض رد البل ورش الحوار ليت من ربطك بعد الظهر بوزانها 😅 محسن بن مترك

القيض ما هوّد وانا خاطري ضاق اله شهر و شوي مدري علامه احس في ضيقه وتفكير و ارهاق و تعبان و النوم متغيّر نظاامه متى يزين الجو و تزين الاخلاق واروق و استانس واطش العمامه مليت من جوّ المقاهي والاسواق بـ اروح اتكّي في طعوس الثمامه :) جراح العتيبي

تزبر على صدر الشقاوي لهيب القيض ولا عاد يدري وين يمشي من الكتمه يالارض الرحيبه خففي من زفير الغيض ثرياك والجوزاء من النور للعتمه وانا عن فيافي نجد م ادور التعويض ولو جوها خالي لا ماطر ولا نسمه تا تمضي لياليك الشديده وترجع بيض يروح التعب والقيض وتعود الرحمه"

على طريق جدودنا اللي على الدين اللاش .. يقعد والشجاع .. يتبيّن من كثر ماحنا على الطيب ضارين الكايد .. اليا مرنا صار .. هيّن ما تنكرون .. فعولنا يـ المساكين اللي عليها .. كل جادل .. تزيّن حنا هل الميقاف .. والمنطق الزين وانتم هل الحقد " الدفين " المبيّن

والله انا على شوف المطانيخ نضما ونكره اللاش ، وهروج القفى ، والمحابي عزة النفس ترفض عيشة الذل مهما طاح سقف الطموح وقل جود المخابي )؛

يالله ،،، يالي تصاريفك تولتنا يالعالي الي على عرشك تطالعنا يامدرك أرزاقنا قضّاي حاجتنا رافع مقاماتنا ،،، لا من تواضعنا نلهج بذكرك ليا أصبحنا ولابتنا لعل ضلك يضللنا ،،، ويجمعنا نلوذبك لاتضايقنا ،،، من أزمتنا كل الأمل فيك يامشفي مواجعنا

كبار الهقاوي ماتعلق على البيبان والامجاد من يتعب لها تحفظ سجله ياراعى الجناب الدمث والمحزم المليان اعرف آن طيبك فطره ولينك جبله احدٍ وقفته لا شح وجه الزمان تبان واحدٍ لا اصطفق موج الدهر بان به خله الله يقطع اللي مثل ماقال ابن جدلان لو الناس تصفي كلها ماصفى كله

المشاريه اكثرت والوقت ثاقلةٍ حموله ومن يقاوم دورة الايام عز الله مقامه والعرب كلٍ حسب رغباته وميلة ميوله من يغصب اللي لبس طربوش يلبس له عمامه المغني طبلوله و المهرج صفقوله لحدٍ يشره على الثاني ويلحقه الملامه السنين التاليه تمشي دقايقها عجوله مابقى الا يطلع الدجال وتقوم القيامه

الصدق راعيه عند الناس وجهه طليق و الكذب راعيه فعله فاضحه .. فاضحه أللي تشوفه عدو .. و اللي تشوفه صديق فـ الضيق بتشوفهم بـ الصوره الواضحه

تغلب علينا عادة الطيب ونطيب لو الهدف نخطيه في كل مره يدرك كلامي طيبين المجاذيب اللي لهم فالطيب فره وكره لو منت حول العيب والشك والريب يلحقك حتى من جميلك مضره لكن سيري يالركاب الأعاريب مادام قدمك لاهل الأمداح جره أثقل بنود الطيب بذل ومواجيب وأخفها قولٍ يجي من مبره

ذقت الخساير والعزاير والأمرار وسقت العمر كله على شان غايه مايصنع التاريخ من هاب الأخطار ولا رقا في قمة المـجد .. تايـه ولا يعلم الأنسان عن بعض الاقدار يـمكن بعد خـط النهـاية بـدايـه ..

' ياا معذربنا ، عليك الهون لا ينشق زورك ماحسبنا لك حساب ولا طلبنا لك شهاده المذمه منك مدحه والثناء مهوب دورك أنت مدحك لا حضرنا يعتبر نقص ونقاده '

الليالي موجعه والوقت حمله جاير يجتمع فيه المراجل والردى بنواعه لاتغارب شي كل اللي نقوله صاير ارتفع فوق الرفاع وكل طيب راعه لـ السوالف خل صدرك مثل سجن الحاير لاتردى لَو يوولّع فيك بـ الولاعه آلردي مهما يدور الوقت باير باير وان طلع بذراع غيره ماطلع بذراعه

هذي ( حاجتينٍ ) تبحث اللي مداه بعيد لا طال المرض .. ولا ليا طالت الطرقه هذي والله اللي يظهرن الردى والجيد ومن بان في الثنتين هذي ظهر فرقه نبات الفلا ييـبس وتذري عليه البيد وعرق النوامي في الثرا سابحٍ عـرقه

ياحمود راسي مزدحم بالمواضيع والفكر من كثر المواضيع ضايع احاول انفع من يبون المنافيع وامدّ لكفوف الغني ..كف جايع عيني على دهم المزون اللواميع اللي تعل ثعولها كل خايع لاشفتها فوق البدايع مهانيع افرح ، لو اني ماسكنت البدايع

مجدي ومجد اجدادي الاول على ظهور الجياد يـحطني قدام خلق الله ماهو بـ خلافها

ما لنا ند ، في وقت الفخر والممارى إن رجعنا نعدّ الفعل وإن مارجـعنـا كان مزعلكم إن تاريخنا مـا يجـارى مشكلتكم مع التاريخ ماهيب معنا

مع عالم الوقت هذا لا تجي كلّك لا تصير ساذج .. تعاملْهم على النيّة وْلاَ تدري الناس في كثرك وفي قلّك خل العلاقات معهم حيل سطحية :)

التغاضي والتعايش وقلّ الاحتياج : اللّٰه اللي في قلوب العباد .. يصبها سامح من الرزق لاصار فـ أطراف العجاج حاجةٍ ما جات من طيب خاطر .. كبها