عبدالله
@haym64754784
الله ثم المليك والوطن🇸🇦🇸🇦
حد السمـا هقواته وهوماته ما يعتـرف بالحاجة العاديّـة شف جلسته وايدينه ونظراته كنّه يديـر .. الكورة الأرضيّـة .
تذكر يوم انك تحداني تفارقني؟ شفني تركتك وصارت همتي اقوى شجاعتي يوم افارق شخص خاذلني خلتك في عيني التايهه بلا جدوى اخترت افارق لان العقل ساعدني وحبيتك اول لأن القلب مايهوى ماهو خطأ يوم احبك ، الخطا اني ضيعت عمري عشان انسان مايسوى.
الهنادي ما تخضّب .. و الشوارب ما تفتّل كون لا ركبو هل الردّه على " جرد السبايا " غير يا جعل الجبان إللي مضرّيها على التّل فدوةٍ .. لـ إللي ينطحها ( مقاديم السرايا ) - علي الدعيّه وش تحفظون له ؟ -
لا تكابر دام قلبك على قلبي يمون المكابر ضيّع قريش في غزوة بدر .
روّح فمان الله من غير تبرير عيّت عليك اقدارك المستحيلة اوعدك حفظ السر حتى عن البير وان زلّت الدمعه بحقك قليلة راحت بك ظروفك ولا رحت للغير وانا املك الغاية ولا املك وسيلة مافي يدي غير اني أدعيلك بخير مخلوق ما عندي بـ الأقدار حيله
الناس مهما صنتها واعطيتها ما يتركون اللي خلق فيما خلق ! وجيه لا من شفتها حبيتها ووجيه ( قل اعوذ برب الفلق ) !
ماعليك من البرود وما عليك من المكابر والله انك غاليٍ جدّا .. وفي قلبي لحااالك .. انت في قلبي مقيم وغيرك من الناس عابر وانت تامر ياحبيبي .. كل ماعندي حلالك .. وماعليك من الكلام وما عليك من المخابر قلبي اعلن واعترف ب ان الغلا وان الولا لك .
الله يجازي طيفك العابر .. بخير ضيق عليّ وأنا من الله في سعه
" لا والله إلّا عليك الكبد محترّه حرّة كلاشٍ نهار الحرب يرمى به "
سرا الليل والخط المزفلت بليا نور وسرا هاجسي وسيور الافكار منتله فهقت الشماغ وراسي الطيب المطيور تجيه الصعاب ويعقد الحبل ويحله مصير الليالي تكشف الخافي المستور وتظهر لنا من كان يخفي لنا غله
عن وّد غيرك شايمٍ شومة أحرار ولعاذلي حدب السيوف أسلّها ماغير أقزرها بالأسم المُستعار وأنت المبدا بالأسامي كلّها ؛(
ابتلشت بـ علةٍ عيّا يقفّل😆 و البلا لا جيت ابا اسكّر تكلّم يبحث علوم الاوادم و يتطفّل و لا قضب له علم عن رجّال علّم ابوعمير :)
وإذا خاب ظنك في ولد خال وإلا عم ! فـ أنا واحدٍ تمدح خواله بني عمه