gessy

زعلانه ع نظرتي للحياة اللي كانت بسيطه وبقت كلها خوف وحذر

نيران الصمت حولتني لرماد

خايفه أعيش طول عمري بدور ع اللي يطمني وكل اللي اقابله يخوفني أكتر

بصيت على نفسي دلوقتي لقيت إني بقيت كل حاجة كنت بكرها زمان (فقدت النفس نفسها والله)

الموهوم اللي فاكر نفسه بينسى وهو عمال يخزن عشان يعيط مره واحده

محدش فاهم انا بقول لنفسي 'انا السبب' كام مره في اليوم

كل حاجة بتفقد قيمتها لما بتيجي ف غير وقتها مكدبش اللي قال لذة الشيء في توقيته

أنا ساكتة بس دماغي عاملة دوشة ما يعلم بيها إلا ربنا

مهما حاولت تهرب من الحقيقة هتفضل تجري وراك لحد ما تستسلم وتتقبلها زي ما هي

بوخت اوي والله العظيم بوخت اوي

عارف يعني إيه؟ تصحى كل يوم بنفس التعب وتنام بيه كأنه قدرك

بهزر في حاجات بتخلع قلبي من مكانه بس لو مهزرتش هيجرالي حاجة

جسمي بيحاربني وبيطفحني الحاجات اللي بكتمها بأبشع الطرق بجد

الإنسان يفضل يقول لنفسه اللي مكتوبله حاجة هياخدها وهو عاصر دماغه خلف الكواليس

مش فارقلي حاجة دلوقتي غير صحتي لأنها مع الزعل بتعاقبني اسوأ عقاب والله

كان نفسي الحياة تنصفني ولو مرة

سيطرة الإنسان على نفسه و مشاعره و تفكيره و تصرفاته طول الوقت دي معجزه

ساعات كدة بيوحشني إحساس ان حد واخد باله مني مش وجودي نفسه لأ اللي هو taking care of me

محدش بياخد غير نصيبه (الجمله اللي بقولها لنفسي بعد عياط خمس ساعات)

ثم يتهمك بأنَّك لم تتمسَّك به ذلك الشخص الذي بتَر كُل أَصابعك