Diab
@diabmashni
طِب أسنان وأمور أخرى
مشكلتكم مفكرين المجاعة بغزة صارت هاليومين لما كل الناس صارت تتكلم ولما الأخبار ملت الصفحات والشاشات، بس هاد صار لما الفئة اللي قادرة تتكلم تكلمت ولما المخزون الموجود عند المقتدرين نوعاً ما خلص، أما عامة الناس صارلهم سنتين جوعانين، بس ملهمش صوت ومحدش داري عنهم
يا رب خلص يا رب تعبنا يا رب نهاية من عندك يا رب، بأي شكل، المهم نهاية
استنفذت كل محاولاتي في تقبل الواقع وتمشاية الحال على أمل انه يكون بكرة أحسن، أخف، أرحم، مفيهوش موت على الأقل.
شكلها ضاقت علينا وحدنا فعلاً ومش علينا كلنا كمان، عليّ أنا لحالي رحمتك بعبادك يا رب
كل هذا الضيق اللي بعيشه ما كنت أتخيل انه موجود في الأرض كنت رح أستكثره على كل أهل الأرض لو توزع عليهم وعشته كله لحالي
ما عشنا بحياتنا من أول الحرب يوم زي هاليوم ما بتعدي دقيقة على الساعة بدون استهداف، والله ما ببالغ لو قلت انه بالدقيقة أكثر من استهداف قلوبنا انخلعت من قوة وكثر القصف بكل مكان وبكل وقت وبكل الطرق، اليوم الموت قريب أكثر من عادته.
نفسي يوم يعدي بهدوء يوم واحد بس يوم بدون حزن الدنيا كلها وثقلها يا رب
يعني انت مقتنع انه ترامب ونتنياهو شخصين مختلفين بتوجّهات ونوايا وأهداف مختلفة؟ وبينهم خلافات كمان؟ ماشي
قربنا على 600 يوم حرب وكل يوم بنصبر حالنا ان أكيد في نهاية للي بيصير، أكيد في حدا رح يتدخل، أكيد في حدا قادر يوقفهم، أكيد النهاية قربت بس ما في غير الموت قريب، واقفين في طابور طويل بنستنى دورنا والطابور ماشي بسرعة لأن فيه ناس بتموت من الجوع قبل ما يوصل دورهم أو بتموت حسرة.
إحنا عايشين بمسلخ بشري من 565 يوم وفش حد يفزعلنا. يارب نهاية تريحنا من هالجنون.
حصرولنا قيمة الحياة بالأكل والمساعدات "الانسانية" وصار هو محور النقاش والتفاوض، بس أنا كنت بدي أتعلم وأسكن ببيت أحلامي وأشتري السيارة اللي بحبها وأشتغل الشغل اللي خططتله، مين انت عشان تخليني أفكر بس كيف رح أأمن لقمتي؟ وتفاوضني عليها كمان، مين أعطاكم هالحق؟ مين سكتلكم على هالظلم؟
"لقد أجمع السالكون إلىٰ الله رغم اختلاف طرائقهم أن العقبة الوحيدة بين العبد وربه هي (نفسه) وإنك لا تستطيع أن تنتصر عليها إلا بإماتتِها ومخالفتِها، ولن تستطيع إماتتها ومخالفتها حتىٰ تستيقِن أنّها عدوّك لأنّها تُحيط بالقلوبِ وتعمِيها، فصار المرء يَخوض في حُرماتِ الله بلا شُعور".