Anas Ebrahim

هنزل ثريد ب اجمل التحولات المقاميه اللي سمعتها وهبدأ ب لتحويلة الاجمل والجمله اللي بعتبرها من احسن الجمل الموسيقيه اللي اتعملت وهي جملة الفكر سارح والهجر جارح وهنا السنباطي حول من مقام الراست ف طول منا انت غايب لمقام الهزام (مقام سيكا مصور علي درجه مي نص بيمول) ف جمله الفكر سارح

من القليلين اوي اللي احب اشوفهم وهما بيعزفوا هو فاروق سلامه (اللي بيعزف صولو الاوكورديون )؛ والصولو دا بسمع المقدمه كلها عشانه وبستناه من كتر ما بيخليني مبسوط

اكتر حاجه ممكن تبسطني ف حياتي هي صور وفيديوهات اسكندريه القديمه ؛ انا بحب اسكندريه فوق ما اي حد يتصور ؛ومن حسن حظي اني اتولدت فيها وعيشت فيها كل عمري ؛ مفتكرش اني كنت هستحمل لو كنت اتولدت ف حته تانيه فمصر غيرها

جزئي المفضل من موسيقي عزيزه .. يمكن عشان التاتش الاسكندراني

موسيقي عزيزه ... محمد عبد الوهاب ١٩٥٤ مقام كرد الري

المفروض ناخد ٣ شهور الصيف دول اجازه بمرتب والله الوضع صعب والله

حد لما بيسمع مزيكة بوابة الحلواني بيحس انه راكب مشروع او قطر وبيجري جنب طريق زراعي ؛ تحس المزيكا فيها ريحة مصر اوي معرفش ازاي

بصراحه بليغ غني اللحن احلي من ام كلثوم بكتير بليغ اظهر فيه الشجن والحنيه فعلا عكس الست اللي كانت بتغنيه ب شوية حده وعنفوان عكس بليغ اللي غني اللحن بنبره هاديه شجيه عشان كدا اللحن بصوت الملحن حاجه تانيه

اكتر لحن عمله بليغ للست فيه شجن حقيقي وللاسف ممكن الناس اصلا متعرفوش ومحدش بيجيب سيرته كتير

بليغ كسر هيبه وشموخ العجم فالموسيقي دي . كإنه ملك راجع مكسور و مطأطأ الراس علي "الحب اللي كان "

فيلم البدايه من اكتر الافلام الحلوه اللي اتعملت فالسينما فيلم فلسفي عميق اوي فصوره يقدر اي حد يفهمه اللي مشافوش يشوفه عشان فايته كتير

محدش يقدر يوصف حبي للمزيكا دي والله

بيقلد مبارك اكتر من مبارك نفسه

قليل البخت "منير مراد " ❤️

او بنظرة حب او كلمة ملامه

اقسم بالله بليغ حمدي دا اكتر حد شوفته خياله مجنون وشاطح فحياتي ؛ يعني ممكن حد يعمل سندوتش حلاوه علي جنبه ؛ انما حد يعمل مزيكا لبناني علي هندي اهي دي فكره متجيش فبال انسان طبيعي اموت واعرف جاتله ازاي

الفيديو دا لسا مقابلني وانا مذهول واكتر شئ مخليني مذهول هو ان ازاي حد قدر يطلع كمية المشاعر اللي هتحسها فكل نغمه دي علي اله نحاسيه زي الترومبيت اللي صعب اوي تستخدم لحاجات زي التقاسيم الشرقي لانها مش مصممه لكدا اصلا ؛ اللي بيعزف حقيقي موهوب -الفيديو من اسكندريه

مقطوعه ثومه - بليغ حمدي

هو ايه موضوع السكتات القلبيه المفاجأه عند ناس كتير معظمهم شباب ؛اعرف النهارده بس مش اقل من ٥ جالهم سكتات قلبيه ٤ منهم ماتو و كلهم من سني واكبر حد مكملش ٣٥ سنه ؟؟

من ساعة ما عرفت ان بليغ كان عايز يعمل الحته دي علي الربابه وام كلثوم قالتله روح يابني ربنا يهديك ،وانا نفسي اسمعها كانت هتبقي عامله ازاي علي الربابه لحد ما لقيت الفيديو دا ؛ كانت هتبقا جامده والله ؛الله يسامحك يا ست

ماهي لو مش من تأليف الجن يبقا الموضوع مش منطقي