Abdel عبد القادر سعيد
@abdelkadr_saeid
مجرد كاتب / كاتب مجرد 🖊️+⚽️+🎥+🎼+🇪🇬+🦁 Managing editor @yallakoranow ،EX editor in chief @eparena .EX Arabic Content Producer @CityArabia
الأهلي عمل أنجح وأغلى صفقة في تاريخ الكرة المصرية من أيام تحتمس الثالث بيع وسام أبو علي بـ9 مليون دولار شامل الإضافات +10% إعادة بيع الأهلي داخله الشهر ده بس فوق 20 مليون دولار يعني مليار جنيه 😃 ياريت الأهلي يدخل في صفقة إيزاك بقى أو سيسكو
لازم الأهلي يكبر للناس شوية مش هينفع كده.. أربعات وخمسات على فرق تونس في تونس.. ميصحش كده يعني نخف شوية يا رجالة دي ماتشات ودية يعني..
البنك الأهلي اشترى سيد نيمار ومصطفى شلبي رونالدينيو من الزمالك بـ60 مليون جنيه ! بيس يا معلم بيس 😄
تصريح كارثي من عبد الواحد السيد مدير الكرة في الزمالك "سابقا"، إن النادي سدد مليار و400 مليون جنيه، حوالي 30 مليون دولار.. إزاي والزمالك مفيهوش فلوس.. مين اللي سدد الفلوس دي وإيه مصدرها واتدفعت ازاي وامتى وفين؟
هو ماتش ودي ومش مؤشر على أي شيء.. لكن سكواد الأهلي الحالي ده المفروض يخلي الماتشات كلها السنة دي في الدوري وأفريقيا بالشكل ده.. ضد كل الفرق بما فيها بيراميدز وصنداونز والترجي والزمالك و و و
أحمد حسن "كوكا" يجي الأهلي كمهاجم احتياطي تاني أو تالت.. لكن مين المهاجم الأساسي؟ هل جراديشار يكفي؟ طبعا لأ الأهلي لازم يكون عنده مهاجم أساسي وبعدين نشوف مين رقم اتنين وتلاته كوكا لا يصلح طبعا يكون مهاجم الأهلي الأساسي.. وميزته الوحيده انه صفقة مجانية لدعم القائمة
من المفارقات المضحكة إن الاتحاد الفلسطيني مكنش يعرف وسام ولا وسام يعرفه.. والأهلي هو اللي قدمه كلاعب بجواز سفر فلسطيني عشان يتم قيده كلاعب محلي في مصر، وبالتالي استفاد منه منتخب فلسطين، بعد ما كان لاعب في منتخبات الدنمارك للناشئين قبل كده.. ودلوقتي وسام بيحركهم ضد الأهلي!
إيه البيان العبيط بتاع اتحاد الكرة الفلسطيني ده.. هو ايه اللي بيتعرضله وسام وعايزين حمايته من إيه؟! لاعب جايله عروض وفيه تفاوض واتمرد وبيتعاقب باللائحة! بيان مؤسف من أشخاص غير مسؤولين للأسف!
بعد رعاية الأهلي.. جيتور T2 بقت سيارة المصريين المفضلة في فئتها وسحبت البساط من سبورتاج وتوسان.. الحكومة أعلنت رسميا عمل مصنع ضخم لتجميع السيارة في مصر مع T1.. وبالتالي هترخص أكتر وتنتشر أكتر.. ويجي واحد يسأل هو ليه الأهلي بياخد مليارات من الرعاية!
وسام أبو علي طلب الرحيل رسميا عن الأهلي.. رفض التدريب والسفر لمعسكر تونس.. الأهلي في موقف صعب ولازم يوجه رسالة شديدة اللهجة لكل اللاعبين من خلال وسام.. وإلااا.. !
مفيش لاعيبة في مصر الأندية تتخانق عليهم.. كلهم على باب الله أي صفقة محلية سد خانة وتجربة حظ مش أكتر
الزمالك بيقدم صفقة عمرو ناصر بصوت أحمد شوبير 😄
تشيلسي النهارده بيفكرنا إن الكورة ملهاش كبير.. ومفيش حاجة اسمها توقعات
بالمر بيلعب الكورة بسهولة كأنه لاعب بلايستيشن مش مقيد بالحركة الطبيعية للبني آدمين.. الدنيا معاه سهلة والكورة سهلة وحركة جسمه سهلة وقرارات التسديد سهلة
نهائي كأس العالم اتأخر ٨ دقايق.. حاجة كده من ريحة الدوري المصري والسبب احتفالات ما قبل المباراة وتحية ترامب اللي عايز يطلع في التلفزيون وياخد اللقطة من اللاعيبة زي مرتضى منصور كده 😃
ريال مدريد بياكل علقة مش لطيفة وهياخد سكور مش حلو
تقريبا مبابي هو اللي كان ناحس باريس سان جيرمان.. أنا خايف يكسبوني وانا بتفرج على الماتش.. مش شايفين ولا مقدرين حد للأسف
ممكن تلاقي راجل محترم راكب مرسيدس واقف على جنب وعربيته عطلانة على بنزين.. بيقولك معاكش 200 جنيه كاش وأحولهملك انستاباي؟ ده مش شحات.. ده ضحية سنترال رمسيس
محدش عارف يسحب فلوس ومحدش عارف يدفع فيزا.. واللي معهوش كاش لبس النهارده "يارب يبقى النهارده بس" وهنا لازم ننسى حكاية الرقمنة والميكنة دي ونشتغل على قديمه بنسبة كبيرة عشان المواقف دي