Abdallah Bou Abdallah

السدود بكل دول العالم بترمز للتطور… إلا بلبنان، بترمز للنكد! كل ما نحكي عن مشروع ميّ أو كهربا، بيقوموا البعض وبيتحوّل الملف لمعركة سياسية. مش مهم تنقطع المي، المهم ما ينجح التيار!

الجنرال ميشال عون… رجل سبق زمنه واجه الكل ورفض يساوم. حكي الحقيقة وقت الكل سكت، وحافظ على كرامته وكرامة البلد. للأسف، ما عرفوا قيمتو… بس الأيام عم تبرهن إنو كان دايمًا على حق…

اليوم خسر لبنان صوته الأجرأ وضميره الحي. زياد الرحباني ما كان بس فنان… كان فكرة، موقف، وثورة بتلحّن. ترك بصمة ما بتمحيها لا سنين ولا نسيان. #زياد_الرحباني

النزوح السوري ما عاد مجرّد أزمة إنسانية، صار تحدّي أمني واجتماعي يومي بلبنان. الجرائم يلي عم تتكرر مش تفاصيل، بل إنذار خطر ما لازم نتجاهله، المطلوب معالجة جدية تحفظ كرامة الجميع وتحمي أمن المجتمع، لأنو السكوت صار تواطؤ…

في كتار فكّروا التيار حالة وبتخلص، بس ما فهموا إنو التيار فكرة متجذّرة. حاولوا يعلّقوا فشلن علينا، بس نحنا ما مننهزّ… لأنو اللي بيحب بلدو عن قناعة، ما بينكسر…

الاستغلال السياسي واضح، بس نحنا موقفنا ثابت. كنا من أول الموقّعين على العريضة النيابية لطلب التحقيق والاتهام، واليوم جدّدنا موقفنا. مع التحقيق، ومع تشكيل لجنة، لأن الحقيقة فوق كل الحسابات…

يلي صار بملف التعيينات مش صدفة، في استهداف واضح للتيار، بس نحنا سابقينن بخطوة. حاولوا يمحونا، بس نسيوا إنو نحنا متجذرين بهالأرض و بوجدان الناس. العاصفة بتمرق، وبتخلّي الضعيف يطير… أما الأصيل، فبيبقى…

youtu.be/Q8s44aqnkPc من مقابلتي ضمن برنامج "حكي نت" على موقع "ليبانون فايلز" مع الاعلامي فرنسوا الجميل…

رولان خوري ما فلّ، واجه القضاء لان بيؤمن بالدولة، ما تخبى و ما هرب واجه الظلم بكرامة، وفضح نظام الصفقات والافتراء. اللي راهنوا على كسرو، نسيوا انو في ناس ما بتنكسر… ولو حاولوا يسجنوها، لان الحقيقة ما بتنحبس. #رولان_خوري

من عيد و من كرر… المنتشر ما حدا مانعه ينتخب بلبنان، القانون عطاه حرّيتين: يا بصوّت من مطرح ما هو، يا بيرجع عبلده ويصوّت بدائرته. يعني حرية مش حرمان

حكومة “الإصلاح والإنقاذ” تبدأ بخطوة... خارج القانون. تعيين رئيس للطيران المدني عمره ٧٣ سنة، رغم أن الحد القانوني ٦٤. النتيجة الكل موافق و الكل ساكت. واضح أن الشعار شي، والممارسة شي تاني تمامًا.

طعن التيار ينجح… لا ضرائب على المحروقات حاليًا مجلس شورى الدولة جمّد قرار الحكومة بعد الطعون المقدّمة من التيار وعدة نقابات، حتى يأكّد إنو مواجهة الظلم بالقانون بتجيب نتيجة.

جبران ونواب التيار عرّوا عجز الحكومة قدام كل اللبنانيين. -لا خطة لعودة النازحين، وكأن الملف مش موجود. -لا رد على تهديد وجودي للبنان. -الفجوة المالية؟ ساكتين… يمكن ناطرين معجزة! -حكومة: لا أجوبة، لا رؤية، ولا نبض. أما التيار فمكفّي وحدو بالمبادرة… لإنقاذ وطن عم يغرق…

مبارح بالبرلمان: هجوم قدّام الناس ليكسبوا شعبيّة، وبالآخر… أعطوا الحكومة الثقة كرمال مصالحهم! حكي انتخابي عالي، بس القرار الحقيقي واضح: المصالح فوق المبادئ…

العيش المشترك هو سبب وجود لبنان… بس ما خلّونا نبني دولة تحميه! وما خبّرونا إنو التوازنات بتتغيّر عالطلب، حسب المصالح! منركض نحمي الوطن… وهنّي عم يمحوه باسم الشراكة!

من نازحين بتياب محتلين… لصاروا متفرجين بتياب حاكمين! والمصيبة انو في ناس عم يفرشولن السجادة. السكوت خيانة، والتطنيش شراكة!

بمقابلة عام ٢٠٠٥ مع الإعلامي الفرنسي تييري آرديسون، قال الجنرال ميشال عون إن لبنان كيان موجود من العام ١٥١٦ مستنداً إلى دور الأمير اللبناني، بينما سوريا كدولة حديثة التكوين وُجدت عام ١٩٣٩. #لبنان_لا_يزول

لبنان مش تفصيل جغرافي، ولا ورقة على طاولة مفاوضات. هو كيان متجذّر من آلاف السنين، ما في احتلال قدر يلغيه، ولا فتنة قسّمت شعبه. ١٠٤٥٢ كلم² مش أرقام… هني هوّيتنا. لبنان أكبر من أن يُبلع أصغر من أن يُقسّم #لبنان_لا_يزول

لبنان ليس مجرد وطن… هو نبض التاريخ، وصوت الحق، وصبر الشعوب. على أرضه وُلد الحرف، ومنها ارتفعت صرخة الحرية. مهما عصفت به الأزمات، يبقى شامخًا، لأنه من صخر الإرادة ووهج الحضارة #لبنان_لا_يزول

المحاصصة صارت نظام حكم و مش استثناء... واللي لازم يكون صوت الناس هو الإعلام يلي للأسف ساكت أو متواطئ. والمواطن؟ عم يدفع الثمن كل يوم: ودائع، كهرباء، طبابة، كرامة...