يارا أسامة
@YaraOsama_
بكرة نموت ونفهم كل حاجة.
أنا فاهمة الأمهات اللي اتحركو يتلقو المساعدات ويلاقو حتفهن في نفس الوقت وهم مدركين تمامًا خطورة ده،التجويع مرير. لما بشوف راجل من سن أبويا في الشارع بيجري يلحق أوتوبيس،جزء من كرامتي بيُذبح،مش عارفة أشرح حاسة ازاي وأنا شايفة رجالة وستات وناس شبهي أوي أوي بطونهم بتصرخ ودموعهم جفت.
كنت بكلم صديقة نصف فلسطينية،وقالتلي إنها من كلامها مع أصدقائها وأهلها في غزة، اكتشفت إن الناس كانت قادرة تتحمل الصواريخ أكتر من إذلال التجويع. جهازي العصبي مش عارف يستوعب ألم التجويع،ذُل عظيم أوي،ذُل لأي شخص حُر أيًا ما كان مكانه في الكون،في جزء في كرامتي الإنسانية تم ذبحه للأبد.
يوم الجمعة دايمًا يوم مهم بالنسبالي، بحبه على المستوى الروحاني والنفسي والجسدي لأنه يوم بداية الأسبوع بالنسبالي، هو يوم إعادة الترتيب وال grounding. بقالي شهور (من بداية حرب التجويع) وأنا بتعب أوي من يوم الجمعة، لأني بكون متصلة بمشاعري فيه جدًا وببدأ أستشعر كل العجز اللي جوايا.
طب ما نحب ونشتغل ونعمل فلوس ونجيب عربية ونسافر، هو لازم حاجات قصاد حاجات؟ كلها مساومات؟
حب ايه يا بنت الهبله اشتغلي واعملي فلوس وهاتي عربية وشقه وسافري
مامتي كيوت أوي وهي بتحضر حلقة تحفيظ القرآن، بتكون طفلة رقيقة، بتدخل تقول صباح الخير إن شاء الله انهارده أكون كويسة في التلاوة، يا خراشي عالسُكر عاوزة آكلها ♥️🥹
الخصام عندي شيء حميمي خالص، لا يبذل إلا على من هم أهلٌ له
ساعات شُغلانة الواحد بتخليه يقول حاجات معتوهة، انهارده البنت في الsalon بتقولي عينيكي حمرا كده يا دكتور؟ قلتلها لأ ماتخافيش مش شاربة حشيش. فا الستات في ال salon بصوا على الدكتور المختلة طبعًا. طب ما كنت أقول عندي حساسية وخلاص؟ لازم بقا أضطر أشرح إن دي جملة بسمعها يوميًا في شغلي؟
علمت عيانيني يقولو تعبير "مخّصم معاه" لقيت حد منهم بتقولي "لا لا ده واحد تاني غير اللي انتِ مخصّمة معاه في الثيرابي" 🫶
- يارا عاوز أقولك حاجة بس خايف أوي تفهميني غلط أو تعيطي. = لا لا قول. - انتِ من الناس القليلة اللي بيبقو أمامير وهم بيعيطو. قُمت عيطت.🤝
كنت بقولهم في يوم في الشغل، أنا عارفة إن البنت دي ما بتحبنيش. لقيت واحدة صاحبتي بتقولي: انتِ ما ينفعش حد ما يحبكيش آسفة أوي اللي ما يحبكيش يا إما مجنون يا إما شرير. وبصراحة فاهمة أمنية والله وبصراحة بردو تطبيل صاحبتي هو ده المفضل بالنسبالي ♥️🔥
تعريفي للشخص الشرير: اي حد بيضايقني
رجالة ادعولي، رايحة أطبق على مسلسل كتالوج.ربنا يوفقني واسقيلكو الأرض بدمعي وتطرح أحزان وجودية مهمة للرحلة الإنسانية.
يكاد يكون اعظم نجاح ف الحياة؛ انك تنجح ف الحفاظ علي صحتك وعقلك ونفسيتك بشكل سليم طالما حييت.
مشكلة التايم مانچمنت هتتحل أول ما اليوم يبقا ٤٠ ساعة، غير كده احنا مكملين في المسخرة دي شوية.