Ron

يسقط الإستبداد .. حليقاً كان .. أم بلحية!

كل التعاطف مع المدنيين الي عم يتهجرو قسراً من قراهم وبيوتهم وما الهن لا ناقة ولا جمل كل التعاطف مع المدنيين الي انتهكت حرمات بيوتهن وسلبت منهم حياتهم وكراماتهم وأحرقت محلاتهم وأرزاقهم بس لأنهم بينتمو لطائفة دون أخرى يا حيف على كل مين قتل وروّع وحرّض على نفوس بريئة مالها ذنب.

منتمنى كل الفيديوهات والدلائل (من كل الاطراف) تروح لجهات دولية حقوقية ويلي غلطان يتحاسب من جميع الاطراف. بالداخل مافي حدا عندو ثقة ان المخطىء رح يتحاسب لهيك تدويل الموضوع هو الحل. دم الشعب السوري مو رخيص سواء الدروز او البدو! شبعنا قتل 14 سنة على ايد النظام كمان بدنا نكمل هيك؟!

لاحظ كيف عم يموتوا قهر من "السنة الكيوت" شو بدكن يعني؟ يتركوا شغلهم وحياتهم، ويلبسوا حزام ناسف؟ ولا يشيلوا سيف وشنتيانة وينزلوا يصرخوا ويبلطجوا بالشوارع متلكون؟

عندي قناعة انه ٩٠٪ من السوريين مابيعرفوا يفرقوا بين الإنتقاد والتعدّي لما انت بتنتقدهم بيعتبروها تعدي ولما هنن بيعتدوا عليك بيعتبروه حق مبرر

طبيعي أن تنتقد الأشخاص، وطبيعي أن تنتقد تصرفاتهم لكن غير طبيعي ان تحرض عليهم وتنتهك اهليتهم الإنسانية لا أحد فوق النقد لكن لا أحد يستحق أن تسلب منه إنسانيته وكرامته أو حقه في الحياة

بفتخر انو ينقال عني "سني كيوت" أحسن ماحرض عالناس وحط برقبتي دماء اولاد بلدي! كلمة تحريض وحدة ممكن تقولها ويسمعها جاهل ويروح بسببها يقتل روح بريئة رح تخزيك هالكلمة بالدنيي والاخرة ومافي توبة عنها. السني يلي فاهم دينو صح هو حتماً سني كيوت. والسني يلي مو كيوت هاد جاهل متخلف تكفيري.

Never stop retweeting

الآن أفهمك يا أفلاطون عارضت فكرة الديموقراطية، ليس كارهاً بها، بل خوفاً عليها كنت تعلم أن تسليم القرار للعوام يجعل مصير الدول رهينة للخطاب العاطفي فقط لانهم كثرة وأن صوت الجاهل سيساوي صوت الحكيم.. فتضيع الحكمة الآن فهمت رؤيتك حين قلت ان التصويت يجب ان ينحصر بالنخبة العقلانية

الإسلام السياسي وفكرة "دين ودولة" فكرة غير قابلة للتطبيق ولا تعمل في الواقع ما في ولا مثال ناجح لها خلال آخر ١٠٠ سنة. العالم تغير، الحياة تغيرت، الناس تغيروا. ألا تفهمون؟ انظروا حولكم.. كل مرة تحاولون فيها، يتدمر شيء. يتكسر المجتمع، وتشتعل فتنة جديدة ارحمونا من هذا الوهم المدمر

هل أعجبني؟ لا هل من حقه؟ نعم هل يجب على الجميع أن يتوافقوا مع أذواقي؟ لا هل الحرية تعني تقبل الاختلاف؟ نعم هل يحق لي فرض معاييري على الآخرين؟ لا عيش وخلي غيرك يعيش

صحيح 100% ولكن بتعرف شو الجامع بين بشار، الهجري، PKK، والسلفيين الجهاديين؟ مو اللحية، ولا الدين، ولا القومية… الجامع الحقيقي هو إنهم كلهم (أيديولوجيات شمولية) الشمولية يعني فرض نمط حياة واحد، وسلوك واحد، وفكر واحد، وكل الآخر لازم يمحى ومنع أي شيء اسمه الحرية الشخصية

والحد الأدنى من الانسانية .. لا تقول عن قتيل أنو فطيسة ...لو مين ما كان

اذا انت لم تنتقد الدولة الجديد ولم ترى انها فعلت اي شيء غلط لحد اليوم… Congratulations.. أنت منحبكجي جديد ونسخة طبق الأصل عن القديم

ممكن اختصار تجربة جماعة وعقلية الإسلام السياسي بجملة واحدة: أي مشكلة = أسوأ حل ممكن

اذكياء كما عهدناهم

شوف الفرق بين الأكابر والبجم

الإرهابي الهجري أغلق السويداء على أهلها وجعلهم رهينة عناده ونرجسيته يمنع المساعدات، يفاقم الأزمة، ويجر المدينة نحو المجهول..

تغريدة للتاريخ العقلية السلفية الجهادية لا تعرف السلام، ولا عندها دقيقة هدوء في حياتها دائماً في صراع مع الجميع، ودائماً تبحث عن عدو. حتى لو قضت على كل من حولها، ستخترع أعداء لتكمل معركتها الأبدية لا سلام، ولا استقرار، ولا حياة… ما دام هؤلاء بهالعقلية موجودين

عندي أصدقاء دروز كتير، من أرقى وأوعى الناس، وسمعتهم طيبة دايماً، حرفياً كلهم ضد الهجري حتى من قبل ما تسمعوا فيه أنتوا تعاملكم مع الأمور بالطريقة البهائمية والتعميم الهمجي ضدهم ماعم يخليلكم صاحب… عم تعادوا ناس هنن أساساً واقفين بنفس الصف

بتكتب تويت سطر، ولازم تردفها بـ٢٠ سطر شرح مفردات ونوايا إنك ضد العنف والقتل والبلطجة من أي طرف، وإنك مع الحق والمدنيين من أي طرف… ومع هيك، لا يكفي حكم عليكم بسوء الفهم المؤبد