Mohamed Nasr
@MNasr2021
أنا بتاع الزمالك
لازم أكد دائما إن أكتر سلاح محتاجه الزمالك الموسم الجاي سلاح الدعم المطلق من الجمهور لكل أفراد المنظومة, الموسم الجاي صعب وهيبقي فيه مطبات كتير وصعبة ولو إحنا نشيلنا إيدينا من علي الفريق ورمينا الفوطة في أي وقت من أوقات الموسم هيبقي بنسلم الفريق تسليم أهالي وكتير مستني اللحظة دية
وإحنا بنشيد بفكرة إعلان جدول الدوري قبل ما يبدأ لازم نقول إن الزمالك هو أول نادي طالب وخد رد فعل علي أرض الواقع علشان دا يتطبق لما رفض يلعب ماتش القمة الموسم قبل الماضي وضحي ب٦ نقاط من رصيده في المنافسة علي اللقب في سبيل إنتظام المسابقة وفعلا الجدول منتظمش إلا بعد موقف الزمالك دا
بعد إعلان لائحة الموسم الجديد كدا يبقي رسميا أي فريق إنسحب قبل كدا إتخصم منه ٦ نقاط وأي فريق هينسحب بعد كدا هيتخصم منه ٦ نقاط ما عدا الأهلي اللي لما إنسحب متخصمش منه إلا ٣ بس وكان سبب رئيسي في حصوله علي الدوري
لما ظهر تسريب صفقة #تيدي البعض جاب العيب علي جون وإنه هو يتحمل فشلها وعلشان اللي يهمني كمشجع إنك كمسئول تعمل اللي عليك بالطريقة الصح بغض النظر عن النتيجة فبعد أخبار النهاردة لازم نقول إن جون مش سايب نسبة للخطأ وعمل كل الصح وضمن حق الزمالك قبل ما الخبر يوصل لأي صحفي من أي جهة
أستوري جديدة حالا لحامد حمدان ومحاولة أخري منه لإثبات تمسكه بالإنتقال للزمالك حامد ممكن ميكونش الصفقة السوبر بس كأمكانيات لاعب محلي ومحاولاته وتمسكه بالزمالك بتقول الزمالك لازم يتمسك أكتر بيه ويقا تل علي التعاقد معاه إن شاء الله تعمل تاريخ معانا يا حامد
لو فيه أشخاص في الزمالك حاليا محتاجة نقولهم كل الدعم والمساندة هيبقوا الإتنين دول وبس
عموما أنا وكإني مسمعتش إسم تيدي دا خالص خاصة طالما مفيش تصريح رسمي من مسئول عندنا بس الأهم دلوقتي إن الحكاية مخلصتش ومحتاجين فردة تقيلة في المكان دا تدخل تشيل الفرقة من أول يوم وطالما باب القيد متقفلش أنا واثق إن شاء الله إنه مش هيتففل إلا والزمالك جايب إحتياجاته بقدر الإمكان
طول عمري بقول نستني لما نشوف كلمة رسميا علي البيدج الرسمية واللاعب يلبس التيشرت وبعدين نتكلم ونقول وننزل صور وفيديوهات زي ما أحنا عايزين ومتعشموش نفسكم بدري بدري علشان انتو اللي بتزعلوا في الأخر
تامر عبدالحميد : أنا مش موافق علي تعيين جون إدوارد خالص إنت مش جايبلي مدير رياضي من بايرن ميونيخ دا من فاركو ومينفعش تجيب مدير رياضي من برا النادي وتحط في إيده كل أدوات المنظومة المالية والتعاقدية والفنية لوحده وانت ملكش أي سيطرة وعندك في الأهلي كل اللي شغالين فيه ولاد الأهلي
مع ظهور بوادر نجاح التجربة هتلاقي اللي بيهاجم ويحاول يهدم اللي الزمالك بيعمله علشان كدا الموسم الجاي أكتر موسم الزمالك محتاج فيه دعم الجمهور لمنظومته أكتر من المعتاد كمان وعلشان تجربة الزمالك تنجح حرفيا محتاجة إن الجمهور يفشخ أي حد سواء داخل النادي أو خارجه يحاول يهدم اللي بيتعمل
المسكوت عنه بجد ومش واخد حقه في الكلام إن جون إدي البنك الأهلي مصطفي شلبي وسيد نيمار وخد منهم أحمد ربيع و٢٥ مليون وراح جاب تيدي أوكو ب ١٥ مليون ووفر ١٠ مليون للزمالك شلبي + نيمار = أحمد ربيع + تيدي أوكو + ١٠ مليون راح زمن السمسرة والعمولات
أعتقد دية أول فترة إنتقالات الواحد بيشوف الزمالك داخل فيها وهو محدد هو عايز أيه ومتأرجت أيه مش فكرة عدد صفقات وخلاص وبالفعل إشتغل علي إحتياجاته ونقدر نقول إنه نفذها بنسبة كبيرة وناقص بس فردة مهاجم أجنبي وباك يمين وشمال تحت السن أو مصري وبكدا يبقي نفذها ١٠٠٪ وناقصها بس توفيق ربنا
مش محتاجين نروح نغير جنسيته ولا نطلعله باسبور جديد من أرض العزة إلي ميت عقبة أدم الكايد ( الفلسطيني منذ ولادته ) زملكاوي
سيبك من الخوف إنها ممكن تكون مخلصتش نهائي أو خروج أجنبي من اللي عندك يتعطل بس اللي يضايقك بجد إن تخيل مثلا إن أول معرفة الناس والإعلام بالصفقة تكون من خلال بيدج النادي والكريديت كله يروح للنادي وأكيد دا يزود ثقة الجمهور في جون وإدارته لملف الصفقات وكله هيبقي في مصلحة النادي والله
كنا دائما بنعيب علي إدارة الزمالك إن أزاي الصفقات تتسرب قبل الإعلان الرسمي للنادي, دلوقتي لما جت ناس بتحاول تعمل كدا إحنا كجمهور اللي بنبوظ شغلهم وهنا أنا مش بلوم علي أول واحد قال إسم الصفقة علي أد ما بلوم علي الجمهور العادي اللي إتفاعل مع الكلام وساعده علي الإنتشار
النقطة المهمة في عبدالحميد معالي إنه شارك مع اتحاد طنجة الموسم اللي فات ٢٩ ماتش من أصل ٣٠ وغاب عن ماتش الوداد فقط ولعب ٢١ ماتش أساسي و٨ كبديل يعني جاهز وكان بيشارك أساسي في دوري قوي يعني مش محتاجه تنزله الناشئين ولا مستني يجهز علشان يشارك معاك زي أغلب اللاعيبة اللي بتجي تحت السن
إشتغلت في سرية تامة ودورت علي لاعب أجنبي تحت السن علشان ميخدش مكان أجنبي وروحت لموهبة المغرب وخلصته بسعر أقل من لاعيبة في مصر ومضيت وخلصت ومحدش عرف الصفقة غير بعد التوقيع ودا اللي أنا كمشجع طالبه منك كمسئول إنك تعمل اللي عليك بالطريقة الصح وتوفيق اللاعب معانا من عدمه دا بتاع ربنا
الصورة دية من ٤ سنيين بس ووقتها إمام عاشور جدد عقده مع الزمالك ورفع قيمة عقده من ٢ مليون ل٧ مليون وكان راضي وفرحان, دلوقتي الأهلي عارض عليه ٣٠٠ مليون وهو رافض وعايز ٥٠٠ حد يقدر يقول مين السبب في كدا؟
عمرو جاب الله الأهلي يعرض 300 مليون جنيه على إمام عاشور لتعديل وتجديد عقده 3 سنين واللاعب يطلب 500 مليون جنيه.
يا ريت وإنتو بتنتقدوا أي صفقة محتملة للزمالك قارنوها الأول باللي موجود عندك يعني مثلا لما تجي تتكلم عن عمر فايد كمدافع متقارنهوش بمالديني وراموس وفان دايك لا قارنه بإن البديل عندك هو مصطفي الزناري ودا مش معني كلامي إننا نرضي بأي صفقة وخلاص بس قصدي إنه ميبقاش أي إنتقاد وخلاص بردو