haneen

منتجات التلاجة مبشتريهاش فمعنديش علم نهائيا باسعارها، لكن اوقات فالسكن بيطق فدماغي حاجة روحت اشتري جبنة مثلثات ومخي متسستم انها ب15 جنيه اديت الراجل 20 ومستنية الباقي قالي ب40 يا ابلة، قولتله ياخبر ده انا مفكرة اني مطلعة 50 مخدتش بالي الحمدلله تم تخطي احراج الديلولو الزماني

عايزة اخزن نفسي فالفريزر لحد عشرة الجاي

مخي مش عارف يستوعب ان حجم حبة البسلة من الاكرتين ده كده الطريقة الصحيحة لوضعه، يعني ايه مليطش وشي بنص العلبة

نفسي اوي اوي اوي اتعلم كروشيه بقالي عشر سنين ( بجد عشرة من وقت حصة الاقتصاد المنزلي) بقول هتعلمه بس ماخدتش خطوة

كل الناس بتدي حلول للبشرة الدهنية، بس فين حلول البشرة اللي بتعرق، ماية ماية مش زيت لا فيكس سبراي بيوقف ولا نياسيناميد بيقلل ولا منتج اويل فري بيحوق شلالات من المياه الجارية بتاخد في وشها الاخضر واليابس

ميموريز الفيسبوك مجنونة شوية في بوست معمولي منشن فيه من 11 سنة عن قد ايه انا احلى واجدع صديقة واخت ووقفت جنبها في كل الازمات أنا معنديش اي فكرة مين دي ومش عارفة افتكر أي طشاش ذاكرة للاسم والشكل ده خالص المهم انا عاملالها كومنت بقولها انتي اللي بجد عرفتيني يعني صاحب بجد 👌👌

بجيب لبس كتير، ممكن أي فلوس معايا بشتري بيها هدوم مع ذلك دايما شكلي جربوع وانا خارجة لأن عندي مرض نفسي ان اللبس الحلو ميتلبسش الا للخروجة الحلوة، وانا مبخرجش كتير فالبتالي اللبس بيفضل مركون ايام وشهور وسنين ممكن موضته تخلص وهو لسه فالدولاب يارب نفسي اتغير وابطل جربعة واستخسار

وحشتني اوي ايام لما كانت المهنة/الوظيفة طفل 😞

بقلب في حاجات قديمة لقيتلي جواز سفر اخ يارب ميكونش نصيبي في جوازات السفر خدته كله في طفولتي ويحصل بيننا لقاءات اخرى

لحد من سنة بس كنت بحس فكل نتيجة ان ايوا سعيدة لالتحاقي بكلية الطب لكن بعد التخرج، ورؤية الواقع، وسنين العمر واضمحلال المرتبات وتلوث جودة الحياة مبقتش احس بحاجة تقريبا اعصابي باظت بطلت تنقل أي احاسيس

لسه جاية اشوف ايه عشوائيات يوليو لقيت اخر صورة اتصورتها كانت في 21 يونيو دي كده وعكة نفسية رسمي، انا مبقفلش الكاميرا

كل يوم اقول هتغير من بكرا هبطل نكد وكئابة من بكرا هبطل أاجل حياتي من بكرا هطبخ وهعمل حاجات حلوة من بكرا هستمتع باحتساء كوب الشاي من بكرا السعادة قرار هاخده من بكرا بيجي البكرا وبصحى معنديش الا شعور واحد وهو اني عايزة اموتني