Mogy
@AhmedAdelElmogy
أمك في العشة ولا طارت؟
بعد ما اتخرجت زمان، اشتغلت في صحافة الفيديو، صحفي طلب مني أعمل فيديو عن السمسمية، قُلته حلو أنا بحبها، بس اشمعن السمسمية، ما نعمل عن حلاوة المولد كلها، ضحك وقالي حلاوة المولد إيه، أنا بتكلم عن سمسمية بور سعيد، مش أسكت، لأ كملت في الغباء، وقُلتله عايز أبقى أجربها دي ما أعرفش طعمها
ليا صديق كتب تعليق على وفاة زياد جميل جدًا.. فيه مشهد في فيلم أجنبي بيقول فيه أب ابنه مات: إذا مات أبويك فأنت يتيم، وإذا مات زوجك فأنتِ أرملة، لكن إذا مات ابنك فماذا تدعى؟ لا يوجد تعريف لذلك، ولا يجب أن يكون هناك تعريف
أنا عارف إن فيه ناس بتشوفني مغرور أو عندي إيجو يعني، وبيبقوا وآخدين مني موقف من غير ما يعرفوني، بس أنا ما بظهرش ده قوي غير مع الناس اللي ما بتحبنيش، أو اللي ما بينزلوليش من زور، إنما اللي بيحبني بديله عيني والله، ولا إيجو ولا بتاع
ساعات بيكون في حياتنا ناس فيها صفات زي الزفت، ما تتحبش، بس عادي بنعدي وبنفضل نحبهم، يمكن الناس دي ما تعرفش إن إحنا بنحبهم حتى، بس إحنا بنحبهم
كان فيه حفلة لعمرو دياب واحد من الجمهور طلب منه أغنية، فقعد يزعق باسم الأغنية، في لحظة صمت كده قال لعمرو.. "عايز أعمل زيك" دي اسم الأغنية، فعمرو قاله.. ما تعرفش تعمل زيي، ردودي دي والله