دهَام

"افعل الفعل المجمّل لا تبحث جزاه المقام اللي يجمّلك ما يبغى شُكـر."

يقولون أنصرم عمرك وحيد وقلت ياعذال مقاسيمٍ كتبها الله … وانا مابيدي حيله

على انّي ماحّث خطاي واعاتب المقفين لو ان الصدور وساع تستغرب الجيّه ماحّس الوفى يحتاج دافع وظرفٍ زين احسّه بكل انسان « حاجه بديهيّه » اذا ان الظروف بصغرها تزعِل السالين انا اشوفها ماهي بسهله وعاديّه اظّن الوقوف بصّف الاحباب والغالين يسمّى الوقوف اللي بحّق وحياديّه

صباح الخير ، امّا بعد : لذّة إعجاب المحبّة لاشفته شوف عين لذّة الفنجال الاشقر عقب فردة تمر "صالح النشيرا"

اطربي يا نفس وعيشي وسوي ماتبين مايزيد العمر مدح العباد وذمها لاكسبتي طاعة الله و بر الوالدين خلي وساع الحناجر تموت بهمها

"ليه وجه الصبح ينشدني كنّه داري وين خلك ليه ماصبح على اغلى ناسه"

"سعود مبارك" يا بيت لو عشعش على سورك الطير "أنا وهذا الطير في حبك .. أسرى"

شاعريّن الليلة " خالد مبارك ، سعود مبارك" أمتعونا بذائقتكم الشعرية:

يوم أن ولد الردي رزقه على شونه رزقي على واحدٍ ماهوب مناني موت الفتى في سرابٍ يطرد دونه أخير من مقعدٍ له فيه حقراني "حمد العزب"

مدغم ابو شيبه: أنا العاقل اللّي كل ما ضايقوه الناس يوقف دقيقة صمت ويصد و يقفي

الظروف تخلي الأنسان … واحد ثاني لين يوصل مرحله ماعاد يعرف نفسه

ما جذبني من هنّيا ، وخلّاني هناك غير تطويحة رموشك وعالي نيفها

يقول "سعد بن جدلان"رحمه الله تبنى له البيضاء على كُل مضواح من ساحة التبّع الى الفرقديني

شاعر الليلة "ياسر التويجري" أمتعونا بذائقتكم الشعرية:

يوم جيت ديار ابو سودٍ مظلّه للقدم وقفة و للقلب التفاته ما اختصرها فالسلام ورحمة الله السلام و رحمة الله وبْركاته ودي اخذ عندهم فنجال دله ونفسي اول من كلاني بالشماته يرفع الرجال صبـرٍ في محله وترخص الرجال كثر محاولاته.

تبي الصراحه؟ دونك العمر مابيه عجزت أسـاير دنيتي وأنت غايب

شاعر الليلة "ضيدان بن قضعان" أمتعونا بذائقتكم الشعرية:

انفوسنا من فضل ربي عزيزه وارواحنا ماتعرف الكره والبغض طبع الوفا ربي خلقها غريزه وكفوفنا في مدة الطيب ماتجض يالله عسى في كل علمٍ نجيزه علمٍ يبيض وجه ويقوم الحظ

الظاهر إن العرب لو بالذهب تنكسي إن ماحكوا فيك ولا الشكر مامن شكر الزلة اللي لها "عامين" … ما تنسي والفزعه اللي لها "يومين" ماتنذكر

ياحلمي اللي انتظرته من اعوام اليوم قفّى والحقيقه غبينه هو كيف ابنسى يارفيقي والاوهام تطري علي حتى فقدت السكينه امشي واترجم من شعوري بالاقلام عسى يداوي من جروح"ن دفينه وفي مامضى حلمي على كفّ الاحلام والحين ضمن الذكريات الحزينه "بندر بن معجب"